“ஸ்டாலின் ஆட்சியில் எந்த புதிய திட்டங்களும் அறிவிக்கப்படவில்லை” - இபிஎஸ் @ கோவை

கோவை: “ஸ்டாலினின் ஆட்சியில் எந்த புதிய திட்டங்களும் அறிவிக்கப்படவில்லை,” என கோவையில் செய்தியாளர்களைச் சந்தித்த அதிமுக பொதுச் செயலாளர் எடப்பாடி பழனிசாமி கூறியுள்ளார்.

அதிமுக பொதுச் செயலாளரும், எதிர்கட்சி தலைவருமான எடப்பாடி பழனிசாமி கோவை விமான நிலையத்துக்கு இன்று (நவ.13) வந்தார். அவரை முன்னாள் அமைச்சரும், அதிமுக கொறடாவுமான எஸ்.பி.வேலுமணி தலைமையிலான நிர்வாகிகள் வரவேற்றனர். அதைத் தொடர்ந்து, பொதுச் செயலாளர் கே.பழனிசாமி செய்தியாளர்களிடம் கூறியதாவது: “முதல்வர் ஸ்டாலின் என்னைப்பற்றி பல விமர்சனங்களை முன் வைத்துள்ளார். கடந்த சில நாட்களாக ஊடகங்கள் வாயிலாக ஸ்டாலின் விமர்சனம் செய்துள்ளார்.