வீட்டின் அருகே விளையாடிய சிறுமிக்கு பாலியல் தொந்தரவு: வாலிபருக்கு வலை

அண்ணாநகர்: வீட்டின் அருகே விளையாடிக்கொண்டிருந்த சிறுமிக்கு பாலியல் தொந்தரவு கொடுத்து தலைமறைவான வாலிபரை போலீசார் தேடி வருகின்றனர். கோயம்பேடு பகுதியை சேர்ந்த 40 வயது பெண் ஒருவர், கோயம்பேடு அனைத்து மகளிர் காவல் நிலையத்தில் கடந்த இரு தினங்களுக்கு முன்பு புகார் ஒன்று அளித்தார். அதில் கூறியிருப்பதாவது: எனது 10 வயது மகள், வீட்டின் அருகே விளையாடிக்கொண்டிருந்தபோது அங்குவந்த ஒரு வாலிபர், பாலியல் தொந்தரவு கொடுத்துள்ளார்.

இதை பார்த்த அக்கம்பக்கத்தினர் ஓடிவந்து, வாலிபரை பிடிக்க முயன்றுள்ளனர். அப்போது வாலிபர் அங்கிருந்து தப்பிவிட்டார். எனவே எனது மகளுக்கு பாலியல் தொந்தரவு கொடுத்த வாலிபர் மீது நடவடிக்கை எடுக்க வேண்டும். இவ்வாறு புகாரில் தெரிவித்து இருந்தார்.  இதுகுறித்து போலீசார் வழக்கு பதிவு செய்து, சம்பவ இடத்தில் உள்ள கண்காணிப்பு கேமரா பதிவுகளை ஆய்வு செய்து தலைமறைவாக உள்ள வாலிபரை தேடி வருகின்றனர்.

The post வீட்டின் அருகே விளையாடிய சிறுமிக்கு பாலியல் தொந்தரவு: வாலிபருக்கு வலை appeared first on Dinakaran.