வடமாநில தொழிலாளியிடம் கத்தியை காட்டி மிரட்டி பணம் பறித்த 3 பேர் கைது

திருப்பூர், ஜன.30: ஒடிசா மாநிலத்தை சேர்ந்தவர் மும்முனில் இஸ்லாம் (24). இவர் திருப்பூர், வஞ்சிபாளையம் ரோடு, சலவைப்பட்டறை, பகுதியில் தங்கி பனியன் நிறுவனத்தில் பணியாற்றி வருகிறார். இந்நிலையில் நேற்று முன் தினம் மதிய உணவு இடைவேளைக்காக மும்முனில் இஸ்லாம் வஞ்சிபாளையம் ரோட்டில் உள்ள டாஸ்மாக் கடை அருகில் நடந்து சென்று கொண்டிருந்தார். அப்போது அங்கு வந்த 3 பேர் மும்முனில் இஸ்லாமிடம் கத்தியை காட்டி மிரட்டி அவரிடம் இருந்த ரூ. 300 ஐ பறித்தனர். தொடர்ந்து மும்முனில் இஸ்லாம் கூச்சலிட்டார்.

அங்கிருந்த பொதுமக்கள் அந்த 3 வாலிபர்களை பிடித்து 15.வேலம்பாளையம் போலீஸ் நிலையத்தில் ஒப்படைத்தனர். தொடர்ந்து அவர்களிடம் 15.வேலம்பாளையம் போலீசார் விசாரணை நடத்தினர். போலீசார் விசாரணையில் அவர்கள் சாமுண்டிபுரத்தை சேர்ந்த கோபி (27), விஜயபிரகாஷ் (24), சஞ்சய் (23)ஏன்பதும், இவர்கள் மீது கோவை, திருப்பூர், கோபி ஆகிய பகுதியை போலீஸ் நிலையங்களில் குற்றவழக்குகள் நிலுவையில் இருப்பதும் தெரியவந்தது. தொடர்ந்து 15.வேலம்பாளையம் போலீசார் வழக்குப் பதிவு செய்து மூன்று பேரை கைது செய்து அவர்களிடம் இருந்த ரூ.300 பணத்தை பறிமுதல் செய்தனர்.

The post வடமாநில தொழிலாளியிடம் கத்தியை காட்டி மிரட்டி பணம் பறித்த 3 பேர் கைது appeared first on Dinakaran.