விழுப்புரம், கடலூர், கள்ளகுறிச்சி வெள்ள பாதிப்புக்கு அரசின் நிர்வாக திறமையின்மையே காரணம்: சிவி சண்முகம்

விழுப்புரம்: விழுப்புரம், கடலூர், கள்ளகுறிச்சி மாவட்டங்களில் ஏற்பட்ட வெள்ள பாதிப்பிற்கு திமுக அரசின் நிர்வாக திறமையின்மையே காரணம் என சிவி சண்முகம் எம்பி குற்றம்சாட்டியுள்ளார்.

விழுப்புரம் நகராட்சித்திடலில் அதிமுக சார்பில் ஃபெஞ்சல் புயலால் பாதிக்கப்பட்ட மக்களுக்கு உரிய நிவாரணம் மற்றும் இழப்பீடு தொகையை உடனே வழங்கக்கோரி இன்று கண்டன ஆர்பாட்டம் நடைபெற்றது. இந்த ஆர்பாட்டத்தில் மாவட்ட செயலாளரான சிவி சண்முகம் எம்பி பேசியதாவது: முன்னாள் முதல்வர் பழனிசாமி விழுப்புரம் மாவட்டத்தில் வெள்ளபாதிப்புகளை பார்த்து மக்களுக்கு ஆறுதல் சொல்லி சென்ற மறுநாள் முதல்வர் வந்து சென்றார். அதன் பின் துணை முதல்வர் வந்தார்.