விம்பிள்டன் டென்னிஸ்: மேடிசன் கீஸ் 3வது சுற்றுக்கு முன்னேற்றம்

லண்டன்,

ஆண்டுதோறும் ஆஸ்திரேலிய ஓபன், பிரெஞ்சு ஓபன், விம்பிள்டன், அமெரிக்க ஓபன் என 4 வகையான 'கிராண்ட்ஸ்லாம்' என்ற உயரிய அந்தஸ்து பெற்ற டென்னிஸ் போட்டிகள் நடத்தப்பட்டு வருகின்றன. இவற்றில் மிகவும் கவுரவமிக்கதும், முதன்மையானதுமான விம்பிள்டன் டென்னிஸ் தொடர் லண்டனில் நடைபெற்று வருகிறது.

இதில் மகளிர் ஒற்றையர் பிரிவில் இன்று நடைபெற்ற 2வது சுற்று ஆட்டம் ஒன்றில் முன்னணி வீராங்கனையான மேடிசன் கீஸ் (அமெரிக்கா), செர்பியாவின் ஓல்கா டானிலோவிக் உடன் மோதினார்.

இந்த போட்டியில் ஆரம்பம் முதலே அபாரமாக செயல்பட்ட மேடிசன் கீஸ் 6-4, 6-2 என்ற நேர் செட் கணக்கில் ஓல்கா டானிலோவிக்கை வீழ்த்தி 3வது சுற்றுக்கு முன்னேறினார்.