விஜய் ஹசாரே டிராபி; முதலாவது அரையிறுதியில் அரியானா - கர்நாடகா அணிகள் இன்று மோதல்

வதோதரா,

இந்தியாவில் நடைபெறும் உள்ளூர் ஒருநாள் கிரிக்கெட் தொடரான விஜய் ஹசாரே கோப்பையின் 32-வது சீசன் இறுதி கட்டத்தை எட்டிவிட்டது. இதன் பிளே ஆப் மற்றும் காலிறுதி சுற்று ஆட்டங்களின் முடிவில் அரியானா, கர்நாடகா, விதர்பா மற்றும் மகாராஷ்டிரா ஆகிய அணிகள் அரையிறுதிக்கு தகுதி பெற்றுள்ளன.

இந்நிலையில், இந்த தொடரின் அரையிறுதி ஆட்டம் வதோதராவில் இன்று தொடங்குகிறது. இதில் இன்று நடைபெறும் முதலாவது அரையிறுதி ஆட்டத்தில் அரியானா - கர்நாடகா அணிகள் மோதுகின்றன. இரு அணிகளும் வெற்றிக்காக கடுமையாக போராடும் என்பதால் ஆட்டத்தில் பரபரப்புக்கு பஞ்சம் இருக்காது.

இந்திய நேரப்படி ஆட்டம் மதியம் 1.30 மணிக்கு தொடங்குகிறது. தொடர்ந்து நாளை நடைபெறும் 2வது அரையிறுதி ஆட்டத்தில் விதர்பா - மகாராஷ்டிரா அணிகள் மோதுகின்றன.