வாரத்தின் கடைசி நாளில் அதிரடியாக குறைந்த தங்கம் விலை.. நகை வாங்க சரியான தருணம்: இன்றைய விலை என்ன தெரியுமா?

சென்னை: கடந்த சில நாட்களாக உயர்ந்த தங்கத்தின் விலை தற்போது ரூ.800 சரிந்துள்ளது. இதனால் பலரும் மகிழ்ச்சி அடைந்துள்ளனர். இந்திய பங்குச்சந்தை கடந்த சில மாதங்களாக வீழ்ச்சியை சந்தித்து வரும் நிலையில், அதன் பாதிப்பு தங்கம் விலையிலும் தாக்கத்தை ஏற்படுத்தி வருகிறது. தங்கம் விலை இந்த ஆண்டின் தொடக்கத்தில் இருந்து தொடர்ந்து உயர்ந்து வந்து ,நிலையில், கடந்த 11ம் தேதி ஒரு சவரன் ரூ.64,480க்கு விற்பனையாகி, இதுவரை இல்லாத வரலாறு காணாத உச்சத்தை தொட்டது. ஆனால் அதற்கடுத்த நாட்களில் தங்கம் விலை சற்று குறைந்தது. இதைத் தொடர்ந்து கடந்த இரண்டு நாட்களாக தங்கம் விலை மீண்டும் அதிகரித்தது.

இந்நிலையில் இன்று தங்கம் விலை அதிரடியாக குறைந்துள்ளது. அதன்படி சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.800 குறைந்து ரூ.63,120க்கு விற்பனை செய்யப்படுகிறது. தங்கம் விலை கிராமுக்கு ரூ.100 குறைந்து ரூ.7,890க்கு விற்பனை செய்யப்படுகிறது. வெள்ளி விலை நேற்று கிராமுக்கு ரூ.1 உயர்ந்தது. இந்த நிலையில் இன்று வெள்ளி விலையில் மாற்றமின்றி ஒரு கிராம் ரூ.108க்கும், ஒரு கிலோ ரூ.1 லட்சத்து 8 ஆயிரத்துக்கும் விற்பனை செய்யப்படுகிறது.

The post வாரத்தின் கடைசி நாளில் அதிரடியாக குறைந்த தங்கம் விலை.. நகை வாங்க சரியான தருணம்: இன்றைய விலை என்ன தெரியுமா? appeared first on Dinakaran.