வடமாநிலங்களில் இருந்துரயிலில் கடத்திய 750 கிலோ ரேஷன் அரிசி பறிமுதல்

தாம்பரம், ஏப். 3: தாம்பரத்தில் வடமாநிலங்களில் இருந்து, ரயிலில் கடத்திய 750 கிலோ ரேஷன் அரிசியை ரயில்வே போலீசார் மற்றும் ரயில்வே பாதுகாப்பு படையினர் பறிமுதல் செய்தனர்.தாம்பரத்தில் இருந்து வட மாநிலங்களுக்கு ரயில்கள் மூலம் ரேஷன் அரிசி கடத்தப்படுவதை தடுக்கும் விதமாக ரயில்வே போலீசார் மற்றும் ரயில்வே பாதுகாப்பு படையினர் ரோந்துப் பணிகள் ஈடுபட்டு வருகின்றனர். அதன்படி, தாம்பரம் ரயில் நிலையத்தின் 4 மற்றும் 5வது நடைமேடைகளில் ரயில்வே போலீசார் மற்றும் ரயில்வே பாதுகாப்பு படையினர் நேற்று முன்தினம் ரோந்து சென்றனர். அப்போது நடைமேடையில் உள்ள இருக்கைகளுக்கு கீழே கேட்பாரற்ற நிலையில் கிடந்த மூட்டைகளை பிரித்து பார்த்தபோது ரேஷன் அரிசி இருந்தது.

அதேபோல், நடைமேடைக்கு அருகே உள்ள புதரில் இருந்தும் ரேஷன் அரிசி மூட்டைகளை கைப்பற்றினர். மொத்தம் 35 மூட்டைகள் கொண்ட 750 கிலோ ரேஷன் அரிசியை பறிமுதல் செய்தனர். பின்னர் தாம்பரம் உணவு பொருள் பாதுகாப்பு மற்றும் வழங்கல் துறை அதிகாரிகளிடம் ரேஷன் அரிசி மூட்டைகளை ஒப்படைத்தனர். மேலும், ரேஷன் அரிசி கடத்தலில் ஈடுபட்ட நபர்கள் குறித்து விசாரித்து வருகின்றனர்.

The post வடமாநிலங்களில் இருந்துரயிலில் கடத்திய 750 கிலோ ரேஷன் அரிசி பறிமுதல் appeared first on Dinakaran.