வங்கதேசத்துடன் முதல் ஓடிஐ: வெஸ்ட் இண்டீஸ் அபார வெற்றி

பாஸெட்டேர்: வங்கதேசத்துடனான முதல் ஒரு நாள் போட்டியில் நேற்று, வெஸ்ட் இண்டீஸ் அணி சிறப்பாக ஆடி 5 விக்கெட் வித்தியாசத்தில் அபார வெற்றி பெற்றது. வெஸ்ட் இண்டீஸ் சென்றுள்ள வங்கதேசம் அணி 3 ஒரு நாள் போட்டிகள் கொண்ட தொடரில் ஆடி வருகிறது. நேற்று முன்தினம் நடந்த முதல் ஒரு நாள் போட்டியில் டாஸ் வென்ற வங்கதேசம் பேட்டிங்கை தேர்வு செய்தது. துவக்க வீரராக களமிறங்கிய தன்ஷித் ஹசன் 60 பந்துகளில் 60 ரன் எடுத்து அவுட்டானார். கேப்டன் மெஹிதி ஹசன் மிராஸ் 74, மஹ்மதுல்லா அவுட்டாகாமல் 50, ஜாகிர் அலி 48 ரன் எடுத்தனர். 50 ஓவர் முடிவில் அந்த அணி 6 விக்கெட் இழப்புக்கு 294 ரன் குவித்தது.

பின், 295 ரன் எடுத்தால் வெற்றி என்ற கடினமான இலக்கை நோக்கி வெஸ்ட் இண்டீஸ் களத்தில் இறங்கியது. துவக்க வீரர்கள் பிராண்டன் கிங் 9, எவின் லுாயிஸ் 15 ரன் எடுத்து அவுட்டாகினர். இருப்பினும் கேப்டன் சாய் ஹோப் 86, ஷெர்பானே ரூதர்போர்ட் 113 ரன் குவித்து அணியை வெற்றிப் பாதைக்கு அழைத்து சென்றனர். 47.4 ஓவர் முடிவில் வெஸ்ட் இண்டீஸ் அணி 5 விக்கெட் இழப்புக்கு 295 ரன் குவித்து, 5 விக்கெட் வித்தியாசத்தில் அபார வெற்றி பெற்றது. ஆட்ட நாயகனாக ரூதர்போர்ட் அறிவிக்கப்பட்டார்.

The post வங்கதேசத்துடன் முதல் ஓடிஐ: வெஸ்ட் இண்டீஸ் அபார வெற்றி appeared first on Dinakaran.