யானையை விரட்ட வைத்த மின் வயரை தொட்ட மாணவி மின்சாரம் தாக்கி பலி

தேன்கனிக்கோட்டை: கிருஷ்ணகிரி மாவட்டம், தேன்கனிக்கோட்டை அருகே தாவரகரை கிராமத்தை சேர்ந்தவர் விவசாயி கிருஷ்ணன்(35). இவரது மகள் திவ்யாஸ்ரீ (10), தாவரகரை அரசு தொடக்கப்பள்ளியில் 5ம் வகுப்பு படித்து வந்தார். வீட்டின் அருகே யானை வந்தால் விரட்டுவதற்காக மின் விளக்கு அமைக்கப்பட்டு இருந்தது.

அந்த மின்வயரில் ஒரு இடத்தில் துண்டாகி மின்கசிவு ஏற்பட்டுள்ளது. நேற்று காலை திவ்யாஸ்ரீ கழிவறை சென்றபோது மின்வயரை தொட்டதில் உடலில் மின்சாரம் பாய்ந்து பரிதாபமாக இறந்தார். இது குறித்து தேன்கனிக்கோட்டை போலீசார் வழக்குப்பதிவு செய்து விசாரணை நடத்தி வருகின்றனர்.

The post யானையை விரட்ட வைத்த மின் வயரை தொட்ட மாணவி மின்சாரம் தாக்கி பலி appeared first on Dinakaran.