மேட்டூர் பேருந்து நிலைய கடைகளை ஏலம் எடுக்க ஆர்வம் காட்டாத வியாபாரிகள்: காரணம் என்ன?

மேட்டூர்: மேட்டூர் பேருந்து நிலையத்தில் கடைகளுக்கான முன்வைப்புத் தொகை, வாடகை உயர்வால், ஏலத்தில் கடைகளை எடுக்க வியாபாரிகள் ஆர்வம் காட்டாததால் சலசலப்பு ஏற்பட்டுள்ளது.

மேட்டூர் பழைய பேருந்து நிலையம் கட்டப்பட்டு 30 ஆண்டுகள் நிறைவடைந்த நிலையில், அங்குள்ள கட்டிடங்கள் அகற்றப்பட்டு ரூ.6.40 கோடி மதிப்பில் புதியதாக பேருந்து நிலையம் கட்டப்பட்டு பிப்ரவரி மாதம் பயன்பாட்டுக்கு வந்தது. இங்கு 69 கடைகள், வாகன நிறுத்துமிடம், நவீன கழிப்பறை உள்ளிட்ட வசதிகள் அமைக்கப்பட்டுள்ளன. பேருந்து சுங்க வசூல், கழிப்பறை கட்டண வசூல், வாகன நிறுத்துமிடம், பேருந்துகள் வந்து செல்லும் நேரத்தை ஒலிபெருக்கியில் அறிவிக்கும் உரிமம் உள்ளிட்டவை ஏலம் விடப்பட்டுள்ளன.