முத்தரப்பு ஒருநாள் தொடர்; தென் ஆப்பிரிக்க அணி அறிவிப்பு

கேப்டவுன்,

8 அணிகள் கலந்து கொள்ள உள்ள சாம்பியன்ஸ் டிராபி தொடர் வரும் 19ம் தேதி பாகிஸ்தானில் தொடங்குகிறது. இந்த தொடருக்கு முன்னதாக தென் ஆப்பிரிக்கா, நியூசிலாந்து, பாகிஸ்தான் இடையிலான முத்தரப்பு ஒருநாள் தொடர் நடைபெற உள்ளது. இந்த தொடர் வரும் 8ம் தேதி லாகூரில் தொடங்குகிறது. இந்த தொடரில் ஒவ்வொரு அணியும் மற்ற அணிகளுடன் தலா ஒருமுறை மோத வேண்டும். லீக் முடிவில் புள்ளிப்பட்டியலில் முதல் இரு இடங்களை பிடிக்கும் அணிகள் இறுதிப்போட்டிக்கு முன்னேறும்.

இந்நிலையில், இந்த தொடரில் நியூசிலாந்துக்கு எதிரான ஆட்டத்திற்கான தென் ஆப்பிரிக்கா அணி இன்று அறிவிக்கப்பட்டுள்ளது. இந்த அணிக்கு தெம்பா பவுமா கேப்டனாக நியமிக்கப்பட்டுள்ளார். இந்த அணியில் 6 பேர் அறிமுக வீரர்களாக இடம் பெற்றுள்ளனர். எஞ்சிய தொடருக்கான தென் ஆப்பிரிக்க அணி எஸ்.ஏ. 20 ஓவர் லீக் தொடரின் இன்றைய ஆட்டத்திற்கு பின்னர் அறிவிக்கப்படும் தெரிவிக்கப்பட்டுள்ளது.

நியூசிலாந்துக்கு எதிரான ஆட்டத்திற்கான தென் ஆப்பிரிக்க அணி விவரம்:

தெம்பா பவுமா (கேப்டன்), ஈதன் போஷ், மேத்யூ ப்ரீட்ஸ்கே, ஜெரால்டு கோட்ஸி, ஜூனியர் டாலா, வியான் முல்டர், மிஹ்லாலி ம்போங்வானா, செனுரான் முத்துசாமி, கிடியோன் பீட்டர்ஸ், மீகா ஈல் பிரின்ஸ், ஜேசன் ஸ்மித், கைல் வெர்ரையன்.