பைக் மீது கார் மோதி விபத்து குழந்தை உட்பட 4 பேர் காயம்

கோலார் மாவட்டம், சீனிவாசபூர் தாலுகா அருகே உள்ள கிராமத்தை சேர்ந்த நந்தீஷ், அதேகிராமத்தை சேர்ந்த 2 பெண்கள் மற்றும் 2 வயது குழந்தையை பைக்கில் ஏற்றிக்கொண்டு பணி நிமித்தமாக சிந்தா மணிக்கு சென்றுக்கொண்டிருந்தார். சிக்கபள்ளப்புரா மாவட்டம், சிந்தாமணி – மதனப்பள்ளி சாலையில் ஐமாரெட்டிஹள்ளி கேட் அருகே சென்ற போது, பின்னால் வந்த ஆந்திர மாநிலத்தை சேர்ந்த கார் கட்டுப்பாட்டை இழந்து பைக் மீது மோதியது. இதில் பைக்கில் பயணித்த 4 பேரும் படுகாயமடைந்தனர்.

உடனடியாக அப்பகுதி மக்கள் நெடுஞ்சாலை ரோந்து போலீசாருக்கு தகவல் தெரிவித்தனர். போலீசார் சம்பவ இடத்துக்கு விரைந்தனர். அரசு மருத்துவமனையில் காயமடைந்தவர்களை அனுமதித்தனர். இரண்டு பெண்கள் பலத்த காயமடைந்ததால், அவர்களுக்கு அரசு மருத்துவமனையில் முதலுதவி அளிக்கப்பட்டு மேல் சிகிச்சைக்காக கோலார் அனுப்பி வைக்கப்பட்டனர். இதுகுறித்து ரூரல் போலீசார் வழக்குப்பதிவு செய்தனர்.

The post பைக் மீது கார் மோதி விபத்து குழந்தை உட்பட 4 பேர் காயம் appeared first on Dinakaran.