புதுச்சேரியில் கட்டாய ஹெல்மெட் சட்டத்தை மறு பரிசீலினை செய்ய அதிமுக வலியுறுத்தல்

புதுச்சேரி: புதுச்சேரியில் கட்டாய ஹெல்மெட் சட்டத்தை மறு பரிசீலினை செய்ய வேண்டும் என அதிமுக வலியுறுத்தியுள்ளது.

தமிழக முன்னாள் முதல்வர் எம்ஜிஆர் 108-வது பிறந்த நாளை முன்னிட்டு, புதுச்சேரி மாநில அதிமுக நிர்வாகிகள், பிற அணி பொறுப்பாளர், வார்டு கழக செயலாளர்கள் ஆலோசனைக் கூட்டம் இன்று நடைபெற்றது. மாநில செயலாளர் அன்பழகன் தலைமை தாங்கினார். மாநில அவைத் தலைவர் அன்பானந்தம், மாநில அம்மா பேரவை செயலாளர் பாஸ்கர் ஆகியோர் முன்னிலை வகித்தனர். இதில் புதுச்சேரி மாநில தலைமை அலுவலகம் உள்ளிட்ட இடங்களில் எம்ஜிஆர் சிலை, அலங்கரிக்கப்பட்ட படங்களுக்கு மாலை அணிவித்தும், மலர் தூவியும் சிறப்பாக கொண்டாடுவது என முடிவு செய்யப்பட்டது.