பள்ளம் தோண்டிய போது மண் சரிவு... தொழிலாளி பலி

திருவனந்தபுரம்,

கேரள மாநிலம் காசர்கோட்டில் தேசிய நெடுஞ்சாலை பணி நடைபெற்று வந்தது. இந்த பணியின் போது கட்டுமான பணிக்காக பள்ளம் தோண்டிய போது மண் சரிவு ஏற்பட்டது. இதனால் அங்கு வேலை செய்து கொண்டிருந்த 4 தொழிலாளிகள் பள்ளத்தில் சரிந்து மண்ணில் புதைந்தனர்.

இதனையடுத்து விபத்து தொடர்பாக தகவலறிந்த போலீசார் மற்றும் மீட்பு குழுவினர் சம்பவ இடத்திற்கு விரைந்தனர். எந்திரங்கள் மூலம் அவர்களை மீட்கும் பணி தொடங்கியது.

இந்த நிலையில் 4 தொழிலாளர்களில் 3 பேரை உயிருடன் மீட்டனர். இருப்பினும் இந்த விபத்தில் எதிர்பாராதவிதமாக ஒருவர் பரிதாபமாக உயிரிழந்தார். இந்த சம்பவம் அப்பகுதியில் பரபரப்பை ஏற்படுத்தி உள்ளது.