நூறு நாள் வேலைக்கு நிதி ஒதுக்காத ஒன்றிய அரசை கண்டித்து ஆர்ப்பாட்டம்

விருதுநகர், ஏப்.2: நூறுநாள் வேலை திட்டத்திற்கு நிதி ஒதுக்காத ஒன்றிய அரசை கண்டித்து இந்திய கம்யூனிஸ்ட் கட்சி சார்பில் ஆர்ப்பாட்டம் நடைபெற்றது. விருதுநகர் கலெக்டர் அலுவலகத்தில் இந்திய கம்யூனிஸ்ட் கட்சியின் மாநில குழு உறுப்பினர் பாலமுருகன் தலைமையில் ஆர்ப்பாட்டம் நடைபெற்றது. ஆர்ப்பாட்டத்தில் நூறு வேலை உறுதி திட்டத்தில் பணியாற்றிய ஊழியர்களுக்கு பல மாதங்களாக நிலுவையில் உள்ள சம்பளத்தை உடனே வழங்க ஒன்றிய நிதியை ஒதுக்க வேண்டும்.

தமிழகத்திற்கு வழங்க வேண்டிய நிதியை உடனே வழங்க வேண்டும். கிராமப்புற மக்களின் வாழ்வாதாரத்தை பாதிக்கும் ஊதிய நிலுவையை உடனே வழங்க கோரி கோஷம் எழுப்பினர். ஆர்ப்பாட்டத்தில் சிபிஐ தேசியக்குழு உறுப்பினரும் முன்னாள் எம்எல்ஏவுமான ராமசாமி, மாநில குழு உறுப்பினர் செந்தில்குமார், ஒன்றிய செயலாளர் சக்கணன் உள்பட நூற்றுக்கணக்கான தொழிலாளர்கள், கட்சி நிர்வாகிகள் கலந்து கொண்டனர்.

The post நூறு நாள் வேலைக்கு நிதி ஒதுக்காத ஒன்றிய அரசை கண்டித்து ஆர்ப்பாட்டம் appeared first on Dinakaran.