துணை முதல்வர் உதயநிதி ஸ்டாலின் பிறந்தநாள்; தமிழ்நாடு முழுவதும் இன்று கோலாகல கொண்டாட்டம்: திமுக சார்பில் ஏழை, எளிய மக்களுக்கு நலத்திட்ட உதவிகள் வழங்க ஏற்பாடு

சென்னை: திமுக இளைஞர் அணி செயலாளரும், துணை முதல்வருமான உதயநிதி ஸ்டாலின் 47வது பிறந்த நாளை இன்று கொண்டாடுகிறார். இதை முன்னிட்டு தந்தையும், திமுக தலைவருமான முதல்வர் மு.க.ஸ்டாலின், தாயார் துர்கா ஸ்டாலினை இன்று காலை சந்தித்து ஆசி பெறுகிறார். தொடர்ந்து, மெரினா அண்ணா, கலைஞர் நினைவிடங்கள், கோபாலபுரம் கலைஞர் இல்லத்துக்கு சென்று கலைஞர் படத்துக்கு மரியாதை செலுத்துகிறார். வேப்பேரி பெரியார் நினைவிடத்திலும் மரியாதை செலுத்துகிறார்.

துணை முதல்வர் உதயநிதி ஸ்டாலின் பிறந்தநாளை ஒரு மாதம் கொண்டாட திமுகவினர் திட்டமிட்டுள்ளனர். தமிழகம் முழுவதும் இன்று பல்வேறு நலத்திட்ட உதவிகளுக்கும் ஏற்பாடு செய்யப்பட்டுள்ளது. பள்ளி, கல்லூரி மாணவர்களுக்கு கல்வி உதவித்தொகை, கல்வி உபகரணங்கள் வழங்குதல், மாபெரும் மருத்துவ முகாம்கள் நடைபெற உள்ளது. மேலும் பல்ேவறு விளையாட்டு போட்டிகள் நடைபெற உள்ளது. அது மட்டுமல்லாமல் இன்று அரசு மருத்துவமனையில் பிறக்கும் குழந்தைகளுக்கு தங்க மோதிரம் வழங்க திமுகவினர் ஏற்பாடு செய்துள்ளனர்.

The post துணை முதல்வர் உதயநிதி ஸ்டாலின் பிறந்தநாள்; தமிழ்நாடு முழுவதும் இன்று கோலாகல கொண்டாட்டம்: திமுக சார்பில் ஏழை, எளிய மக்களுக்கு நலத்திட்ட உதவிகள் வழங்க ஏற்பாடு appeared first on Dinakaran.