தமிழக பொது பட்ஜெட்டில் வேளாண்மைக்கு 17 சதவீத நிதி ஒதுக்க வேண்டும்: முன்னோடி விவசாயிகள் வலியுறுத்தல்

மயிலாடுதுறை: தமிழக பட்ஜெட்டில் 17 சதவீத நிதியை வேளாண்மை மற்றும் உழவர் நலத் துறைக்கென ஒதுக்கீடு செய்ய வேண்டும் என்று முன்னோடி விவசாயிகள் வலியுறுத்தியுள்ளனர்.

தமிழக சட்டப்பேரவையில் 2021 முதல் வேளாண் துறைக்கென தனி பட்ஜெட் தாக்கல் செய்யப்பட்டு வருகிறது. இதுவரை 4 தனி பட்ஜெட் தாக்கல் செய்யப்பட்டுள்ள நிலையில், நடப்பாண்டு 5-வது பட்ஜெட் தாக்கல் செய்யப்படவுள்ளது.