“தமிழக அரசு மகளிருக்கு உழைக்கும் அரசாக விளங்குகிறது” - துணை முதல்வர் உதயநிதி ஸ்டாலின்

புதுக்கோட்டை: தமிழகத்தில் மகளிருக்கு பல்வேறு திட்டங்கள் நிறைவேற்றப்பட்டு வருவதன் மூலம் மகளிருக்கு உழைக்கும் அரசாக தமிழக அரசு விளங்குகிறது என தமிழக துணை முதல்வர் உதயநிதி ஸ்டாலின் தெரித்தார்.

புதுக்கோட்டையில் இன்று (பிப்.9) இரவு நடைபெற்ற மேயர் திலகவதி செந்திலின் இல்ல திருமண வரவேற்பு நிகழ்ச்சியில் அவர் பேசியதாவது: “தமிழகத்தில் திமுக ஆட்சி பொறுப்பேற்றதும் முதல் கையெழுத்திடப்பட்ட திட்டமான பேருந்துகளில் மகளிர் இலவச பயண திட்டத்தில், இதுவரை 620 கோடி பயணங்கள் மேற்கொள்ளப்பட்டுள்ளன. மேலும், உயர்கல்வி பயிலும் மாணவிகளுக்கு மாதந்தோறும் ரூ.1,000 வீதம் புதுமைப் பெண் திட்டத்தில் உதவித் தொகை வழங்கப்படுகிறது.