தங்கம் வாங்குபவர்கள் சற்று நிம்மதி; சென்னையில் ஆபரணத் தங்கத்தின் விலை சவரனுக்கு ரூ.960 குறைந்து ரூ.63,520க்கு விற்பனை

சென்னை: சென்னையில் ஆபரணத் தங்கத்தின் விலை சவரனுக்கு ரூ.960 குறைந்து ரூ.63,520க்கு விற்பனை ஆகிறது. ஆபரணத் தங்கத்தின் விலை கிராமுக்கு ரூ.120 குறைந்து ரூ.7,940 க்கு விற்பனை செய்யப்படுகிறது. சென்னையில் வெள்ளி விலை மாற்றமின்றி கிராமுக்கு ரூ.107க்கு விற்பனை செய்யப்படுகிறது.

தங்கம் விலை கடந்த ஒரு மாதமாக கிடுகிடுவென உயர்ந்து வருகிறது. இதன் மூலம் தினம்தினம் புதிய உச்சத்தை தங்கம் விலை பதிவு செய்து வருகிறது. கடந்த 1ம் தேதி ஒரு பவுன் விலை ரூ.62,320 ஆக இருந்தது. 2ம் தேதி ஞாயிற்றுக்கிழமை தங்கம் மார்க்கெட்டுக்கு விடுமுறை. எனவே அன்று தங்கம் விலையில் மாற்றமில்லை. 3ம் தேதி தங்கம் விலை பவுனுக்கு ரூ.61,640 ஆகவும், 4ம் தேதி ரூ.62,480, 5ம் தேதி ரூ.63,240, 6ம் தேதி ரூ.63,440 ஆகவும் இருந்தது. 7ம் தேதி தங்கம் விலையில் எந்தவித மாற்றமின்றி பவுன் ரூ.63,440க்கு விற்பனையானது.

8ம் தேதி அன்று தங்கம் விலை பவுனுக்கு ரூ.120 உயர்ந்து ஒரு பவுன் ரூ.63,560க்கு விற்பனையானது. இது, தங்கம் விலை வரலாற்றில் புதிய உச்சம் என்ற நிலையை தொட்டது. 9-ம் தேதி ஞாயிற்றுக்கிழமை என்பதால் தங்கம் மார்க்கெட்டுக்கு விடுமுறையாகும். அதனால், முந்தைய நாள் விலையிலேயே தங்கம் விற்பனையானது. ஒரு நாள் விடுமுறைக்கு பிறகு 10ம் தேதி தங்கம் மார்க்கெட் தொடங்கியது. அதில் தங்கம் விலை மேலும் அதிகரித்து தங்கம் விலை கிராமுக்கு ரூ.35 உயர்ந்து, ஒரு கிராம் ரூ.7,980க்கும், பவுனுக்கு ரூ.280 உயர்ந்து ஒரு பவுன் ரூ.63,840க்கும் விற்பனையானது.

இந்த நிலையில் நேற்று தங்கம் விலை அதிரடியாக உயர்ந்து ஒரு சவரன் ரூ.64,000ஐ தாண்டியது. ஆபரணத் தங்கத்தின் விலை ரூ.640 உயர்ந்து சவரனுக்கு ரூ.64,480க்கு விற்பனை ஆகிறது. ஆபரணத் தங்கத்தின் விலை கிராமுக்கு ரூ.80 உயர்ந்து ரூ.8,060க்கு விற்பனை செய்யப்படுகிறது. இதன் மூலம் தங்கம் விலை மீண்டும் இதுவரை இல்லாத வரலாறு காணாத உச்சத்தை எட்டிப் பிடித்தது. தங்கத்தின் தொடர் விலையேற்றம் நகை வாங்குவோருக்கு அதிர்ச்சி மேல் அதிர்ச்சியை ஏற்படுத்தியது. இந்த நிலையில் தங்கம் வாங்குபவர்களுக்கு சற்று ஆறுதல் அளிக்கும் வகையில் இன்று தங்கத்தின் விலை சற்று குறைந்துள்ளது. சென்னையில் ஆபரணத் தங்கத்தின் விலை சவரனுக்கு ரூ.960 குறைந்து ரூ.63,520க்கு விற்பனை ஆகிறது. ஆபரணத் தங்கத்தின் விலை கிராமுக்கு ரூ.120 குறைந்து ரூ.7,940 க்கு விற்பனை செய்யப்படுகிறது.

The post தங்கம் வாங்குபவர்கள் சற்று நிம்மதி; சென்னையில் ஆபரணத் தங்கத்தின் விலை சவரனுக்கு ரூ.960 குறைந்து ரூ.63,520க்கு விற்பனை appeared first on Dinakaran.