டெல்லி – ஷில்லாங் சென்ற ஸ்பைஸ்ஜெட் விமானத்தில் தொழில்நுட்ப கோளாறு: அவசரமாக தரையிறக்கம்!

பாட்னா: டெல்லியில் இருந்து ஷில்லாங் சென்ற ஸ்பைஸ்ஜெட் விமானத்தில் தொழில்நுட்ப கோளாறு காரணமாக பாட்னாவில் அவசரமாக தரையிறக்கப்பட்டது. டெல்லியில் இருந்து ஸ்பைஸ்ஜெட் விமானம் இன்று காலை ஷில்லாங் நோக்கி புறப்பட்டது. புறப்பட்ட சில மணி நேரத்தில் விமானத்தில் ஏற்பட்ட தொழில்நுட்ப கோளாறு காரணமாக விமானம் பாட்னாவுக்கு திருப்பி விடப்பட்டது.

இதைத்தொடர்ந்து, விமானம் இன்று காலை 8.52 மணிக்கு பாட்னாவின் ஜெய் பிரகாஷ் நாராயண் சர்வதேச விமான நிலையத்தில் அவசரமாக தரையிறக்கப்பட்டது. விமானியின் துரித நடவடிக்கை காரணமாக, விமானத்தில் பயணித்த பயணிகள் பாதுகாப்பாக தரையிறக்கப்பட்டு வேறு விமானத்தில் அழைத்து செல்வதற்கான மாற்று ஏற்பாடுகள் செய்யப்பட்டுள்ளது என்று பாட்னா விமான நிலைய இயக்குனர் தெரிவித்துள்ளார்.

The post டெல்லி – ஷில்லாங் சென்ற ஸ்பைஸ்ஜெட் விமானத்தில் தொழில்நுட்ப கோளாறு: அவசரமாக தரையிறக்கம்! appeared first on Dinakaran.