டி20 கிரிக்கெட்: சச்சின் தெண்டுல்கரின் வாழ்நாள் சாதனையை தகர்த்த சாய் சுதர்சன்

அகமதாபாத்,

ஐ.பி.எல். தொடரில் நேற்று நடைபெற்ற 51-வது லீக் ஆட்டத்தில் குஜராத் டைட்டன்ஸ் - சன்ரைசர்ஸ் ஐதராபாத் அணிகள் மோதின. இதில் டாஸ் வென்ற ஐதராபாத் கேப்டன் கம்மின்ஸ் பந்துவீச்சை தேர்வு செய்தார். அதன்படி முதலில் பேட்டிங் செய்த குஜராத் அணி நிர்ணயிக்கப்பட்ட 20 ஓவர்களில் 6 விக்கெட்டுக்கு 224 ரன்கள் குவித்தது. அதிகபட்சமாக சுப்மன் கில் 76 ரன்களும், பட்லர் 64 ரன்களும், சாய் சுதர்சன் 48 ரன்களும் அடித்தனர். ஐதராபாத் தரப்பில் உனத்கட் 3 விக்கெட்டுகள் வீழ்த்தினார்.

பின்னர் 225 ரன் இலக்கை நோக்கி களமிறங்கிய ஐதராபாத் அணியால் 20 ஓவர்களில் 6 விக்கெட்டுக்கு 186 ரன்கள் மட்டுமே எடுக்க முடிந்தது. இதன் மூலம் குஜராத் 38 வித்தியாசத்தில் வெற்றி பெற்றது. ஐதராபாத் தரப்பில் அபிஷேக் சர்மா 74 ரன்கள் அடித்தார். குஜராத் தரப்பில் பிரசித் கிருஷ்ணா மற்றும் சிராஜ் தலா 2 விக்கெட்டுகள் வீழ்த்தினார்.

சாய் சுதர்சன் இந்த ஆட்டத்தில் அடித்த ரன்களையும் சேர்த்து டி20 கிரிக்கெட்டில் 2 ஆயிரம் ரன்களை கடந்துள்ளார். இந்த 2 ஆயிரம் ரன்களை வெறும் 54 இன்னிங்ஸ்களில் அடித்துள்ளார். இதன் மூலம் இந்த மைல்கல்லை வேகமாக எட்டிய இந்திய வீரர் என்ற சாதனையை சாய் சுதர்சன் படைத்துள்ளார்.

இதற்கு முன்பு சச்சின் தெண்டுல்கர் 59 இன்னிங்சில் 2 ஆயிரம் ரன்களை கடந்ததே அதிவேகமாக இருந்தது. சச்சினின் இந்த வாழ்நாள் சாதனையை தகர்த்துள்ள சாய் சுதர்சன் புதிய சாதனை படைத்துள்ளார்.