செவிலியர் உள்பட 2 பெண்கள் மாயம்

தர்மபுரி, அக்.24: பென்னாகரம் அடுத்த முதுகம்பட்டியை சேர்ந்தவர் கிருஷ்ணன். இவரது மகள் அவரூபா(23), பி.பார்ம் படித்து விட்டு வீட்டில் இருந்து வந்தார். இந்நிலையில் நேற்று முன்தினம் அவரூபா வீட்டில் இருந்து வெளியே சென்றவர் மாயமானார். பல்வேறு இடங்களில் தேடியும் கிடைக்காததால் இதுபற்றி கிருஷ்ணன் பென்னாகரம் போலீசில் புகார் அளித்தார். அதன்பேரில் போலீசார் வழக்குபதிவு செய்து விசாரிக்கின்றனர். இதேபோல், பொம்மிடி பி.துறிஞ்சிப்பட்டி பகுதியை சேர்ந்த சிக்கந்தர் மகள் தோபியா(19). இவர் பாரா மெடிக்கல் கல்லூரியில் டிப்ளமோ நர்சிங் படித்து வருகிறார். மாலை நேரத்தில் பொம்மிடியில் உள்ள மருத்துவமனையில் செவிலியராக பணியாற்றி வருகிறார். இந்நிலையில் நேற்று முன்தினம் வேலைக்கு சென்ற தோபியா மீண்டும் வீடு திரும்பவில்லை. அவரை எங்கு தேடியும் கிடைக்காததால் இதுபற்றி சிக்கந்தர், பொம்மிடி போலீசில் புகார் அளித்தார். அதன்பேரில் போலீசார் விசாரிக்கின்றனர்.

The post செவிலியர் உள்பட 2 பெண்கள் மாயம் appeared first on Dinakaran.