கிராமத்திற்குள் புகுந்த யானை விரட்டியடிப்பு குடியாத்தம் அருகே

குடியாத்தம், டிச.5: குடியாத்தம் அருகே கிராமத்திற்குள் நுழைந்த ஒற்றை யானையை வனத்துறையினர் காட்டுக்குள் விரட்டி அடித்தனர். குடியாத்தம் வனப்பகுதி அருகில் உள்ள தனகொண்டபள்ளி, சைனாகுண்டா, வீரிசெட்டிபள்ளி, பரதராமி, கொட்டமிட்டா, மோர்தானா, வி.டி.பாளையம், பூசாரி வலசை, கதிர்குளம் உள்ளிட்ட கிராமங்களில் இரவு நேரங்களில் காட்டு யானைகள் புகுந்து அங்குள்ள விவசாய பயிர்களை சேதம் செய்து வருகிறது. அவற்றை மீண்டும் வனப்பகுதிக்குள் விரட்டும் பணியில் வனத்துறையினர் ஈடுபட்டு வருகின்றனர். ந்நிலையில், நேற்று குடியாத்தம் அடுத்த டி.பி.பாளையம் கிராமத்திற்குள் ஒற்றை யானை பயங்கர பிளறும் சத்தத்துடன் நுழைந்தது. இதுகுறித்து தகவலறிந்த வனத்துறையினர் சம்பவ இடத்திற்கு விரைந்து சென்று பட்டாசுகள் வெடித்தும் மேளம் அடித்தும் அந்த யானையை மீண்டும் வனப்பகுதிக்குள் விரட்டி அடித்தனர். இந்த சம்பவத்தால் பரபரப்பு ஏற்பட்டது.

The post கிராமத்திற்குள் புகுந்த யானை விரட்டியடிப்பு குடியாத்தம் அருகே appeared first on Dinakaran.