காவல், தீயணைப்பு, தடய அறிவியல் துறை சார்பில் ரூ.79 கோடி மதிப்பில் புதிய கட்டிடங்கள் திறப்பு

சென்னை: காவல், தீயணைப்பு, தடய அறிவியல் துறைகள் சார்பில் ரூ.78.81 கோடி செலவில் கட்டப்பட்டுள்ள கட்டிடங்களை முதல்வர் மு.க.ஸ்டாலின் நேற்று காணொலியில் திறந்துவைத்தார்.

இதுகுறித்து தமிழக அரசு நேற்று வெளியிட்ட செய்திக்குறிப்பு: கன்னியாகுமரி - நாகர்கோவில், புதுக்கோட்டை - மழையூர், சிவகங்கை – பள்ளத்தூரில் ரூ.29.81 கோடியில் 169 காவலர் குடியிருப்புகள் கட்டப்பட்டுள்ளன. மேலும்,ராமநாதபுரம் - ராமேசுவரம் துறைமுகம் பகுதி, திருப்பூர் - வீரபாண்டியில், ரூ.2.97 கோடியில் 2 காவல் நிலையங்கள் கட்டப்பட்டுள்ளன.