காரில் மதுபாட்டில்கள் கடத்தல்

வானூர், ஜன. 18: வானூர் தாலுகா கிளியனூர் அருகே புதுச்சேரி-திண்டிவனம் தேசிய நெடுஞ்சாலையில் கீழ் கூத்தப்பாக்கம் சாலை சந்திப்பில் கிளியனூர் போலீசார் வாகன தணிக்கையில் ஈடுபட்டிருந்தனர். அப்போது புதுச்சேரியில் இருந்து திண்டிவனம் நோக்கி வந்த காரை நிறுத்தி சோதனை செய்ததில், புதுச்சேரி மது பாட்டில்கள் அட்டை பெட்டிகளில் இருந்தது தெரியவந்தது.

இதையடுத்து காரில் இருந்த 180 மில்லி அளவுள்ள 50 பாட்டில்கள், 360 மில்லி அளவுள்ள 50 பாட்டில்கள், 750 மில்லி அளவு உள்ள 10 பாட்டில்கள் என 160 பாட்டில்கள் மற்றும் காரை போலீசார் பறிமுதல் செய்தனர்.மேலும் இது குறித்து வழக்கு பதிந்து மது பாட்டில்களை கடத்தி வந்த திருவண்ணாமலை மாவட்டம் செங்கம் அடுத்த துக்கபேட்டை பகுதியைச் சேர்ந்த பிரசாந்த்(27), அவினாஷ்(31), ஹரிபாபு (24) ஆகிய 3 பேரையும் கைது செய்து விசாரணை நடத்தி வருகின்றனர்.

The post காரில் மதுபாட்டில்கள் கடத்தல் appeared first on Dinakaran.