கர்நாடகா: கார் மற்றும் பைக் மீது கண்டெய்னர் லாரி கவிழ்ந்து விபத்து 6 பேர் பலி

பெங்களூரு,

கர்நாடகா மாநிலம், பெங்களூருவில் இருந்து துமகூரு நெடுஞ்சாலையில், நெலமங்களா என்ற இடத்தில், டிரைவரின் கட்டுப்பாட்டை இழந்த கண்டெய்னர் லாரி பள்ளி வாகனம் மற்றும் கார் மீது மோதியது. இதில் நிலைதடுமாறி, அந்த கார் மீதே கவிழ்ந்ததில் காரில் இருந்த 5 பேரும், அருகில் பைக்கில் நின்று கொண்டு இருந்த ஒருவரும் என மொத்தம் 6 பேர் உடல் நசுங்கி சம்பவ இடத்திலேயே உயிரிழந்தனர்.

இது குறித்து  தகவல் அறிந்து சம்பவ இடத்திற்கு விரைந்து வந்த போலீசார் உயிரிழந்தவர்களின் உடலை மீட்டு பிரேத பரிசோதனைக்காக அருகில் உள்ள மருத்துவமனைக்கு அனுப்பி வைத்தனர். உயிரிழந்தவர்களின் உடலை அடையாளம் காணும் பணி நடந்து வருகிறது. இது குறித்து நெலமங்களா போலீசார் வழக்குப்பதிவு செய்து விசாரணை நடத்தி வருகின்றனர். சாலை விபத்தில் 6 பேர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.