ஒன்றிய அரசு அறிவிப்பு தேசிய நீர் விருதுகள் புதுச்சேரி 3வது இடம்

புதுடெல்லி: ஒன்றிய நீர் வள அமைச்சகத்தின் சார்பில் தேசிய நீர் விருதுகள் அறிவிக்கப்பட்டுள்ளன. இதில் புதுச்சேரி 3ம் இடத்திற்கான விருதுக்கு தேர்வாகி உள்ளது. சிறந்த மாநிலம் பிரிவில், முதல் பரிசு ஒடிசாவுக்கும், 2வது பரிசு உத்தரப்பிரதேசத்திற்கும், 3வது பரிசு குஜராத் மற்றும் புதுச்சேரிக்கு கூட்டாகவும் அறிவிக்கப்பட்டுள்ளன. சிறந்த நிறுவனம் (பள்ளி, கல்லூரி தவிர) பிரிவில் கோவையில் உள்ள தமிழ்நாடு வேளாண் பல்கலைக்கழகம் முதலிடத்தையும், குண்டூரில் உள்ள கோனேரு லட்சுமய்யா கல்வி அறக்கட்டளை 2ம் இடத்தையும், சென்னை ஐஐடி 3ம் இடத்தையும் பிடித்துள்ளன. இவ்விருதுகள் வரும் 22ம் தேதி டெல்லியில் ஜனாதிபதி திரவுபதி முர்முவால் வழங்கப்படும்.

The post ஒன்றிய அரசு அறிவிப்பு தேசிய நீர் விருதுகள் புதுச்சேரி 3வது இடம் appeared first on Dinakaran.