ஐபிஎஸ் அதிகாரி திலகவதிக்கு வீடு ஒதுக்கிய விவகாரத்தில் நீதிமன்றம் புதிய உத்தரவு

சென்னை: கனவு இல்லம் திட்டத்தின்கீழ் ஐபிஎஸ் முன்னாள் அதிகாரி திலகவதிக்கு ஒதுக்கப்பட்ட வீட்டை வேறு யாருக்கும் ஒதுக்க கூடாது என வீட்டு வசதி வாரியத்துக்கு சென்னை உயர் நீதிமன்றம் உத்தரவிட்டுள்ளது.

மறைந்த முன்னாள் முதல்வர் கருணாநிதியின் 97-வது பிறந்தநாளை முன்னிட்டு அறிமுகப்படுத்தப்பட்ட கனவு இல்லம் திட்டத்தின்கீழ் 'கல்மரம்' என்ற நாவலுக்கு சாகித்ய அகாடமி விருதுபெற்ற தமிழகத்தின் முதல் பெண் ஐபிஎஸ் அதிகாரி திலகவதிக்கு, சென்னை அண்ணா நகரில் 1,409 சதுர அடி வீடு கடந்த 2022-ம் ஆண்டு ஒதுக்கப்பட்டது.