ஐ.எஸ்.எல். கால்பந்து: சென்னை - பெங்களூரு அணிகள் இன்று மோதல்

சென்னை,

13 அணிகளுக்கு இடையிலான 11-வது இந்தியன் சூப்பர் லீக் (ஐ.எஸ்.எல்.) கால்பந்து தொடர் பல்வேறு நகரங்களில் நடந்து வருகிறது. இந்த தொடரில் சென்னை நேரு ஸ்டேடியத்தில் இன்றிரவு 7.30 மணிக்கு நடைபெறும் லீக் ஆட்டத்தில் முன்னாள் சாம்பியன்களான சென்னையின் எப்.சி. - பெங்களூரு எப்.சி. அணிகள் மோதுகின்றன.

முன்னதாக மாலை 5 மணிக்கு ஐதராபாத்தில் நடக்கும் ஆட்டத்தில் ஐதராபாத் எப்.சி., ஈஸ்ட் பெங்கால் அணியை எதிர்கொள்கிறது. இதுவரை நடந்து முடிந்துள்ள லீக் ஆட்டங்களின் முடிவில் புள்ளிப்பட்டியலில் பெங்களூரு அணி 2-வது இடத்திலும், சென்னையின் எப்.சி. அணி 9-வது இடத்திலும் உள்ளது. அதேபோல, ஈஸ்ட் பெங்கால் அணி 11-வது இடத்திலும், ஐதராபாத் அணி 12-வது இடத்திலும் உள்ளது.