உலக மீன்வள தினத்தையொட்டி பள்ளி மாணவர்களுக்கான ஓவியப் போட்டி

ஆர்.எஸ்.மங்கலம், நவ.23: உலக மீன்வள தினத்தை முன்னிட்டு மீன் வளம் மற்றும் மீனவர் நலத்துறை சார்பாக மோர்ப்பண்ணையில் உள்ள அரசு பள்ளியில் மாணவ மாணவிகளுக்கான ஓவியப் போட்டி நடைபெற்றது. இப்போட்டியானது ‘‘மீன்வளம் காப்போம், பாதுகாப்பான முறையில் மீன் பிடிப்போம்” என்ற தலைப்பில் மோர்பண்ணை, சோழியக்குடி, தாமோதரம்பட்டிணம் உள்ளிட்ட பள்ளிகளில் நடத்தப்பட்டது.

இதில் வெற்றி பெற்ற மாணவர்களுக்கு, முதல், இரண்டாம் மற்றும் மூன்றாம் பரிசுகளை மீன்வளத் துணை இயக்குனர் பிரபாவதி வழங்கினார். இந்நிகழ்ச்சியில் ராமநாதபுரம் வடக்கு மீன்வள உதவி இயக்குனர் கோபிநாத் மற்றும் மீன்வள ஆய்வாளர்கள் அபுதாஹிர், காளீஸ்வரன் அய்யனார், மற்றும் எஸ்.ஐ குருநாதன், மீன்வள மேற்பார்வையாளர்கள், பள்ளிகளின் தலைமை ஆசிரியர்கள், இருபால ஆசிரியர்கள், மாணவ, மாணவிகள் உட்பட பலர் கலந்து கொண்டனர்.

The post உலக மீன்வள தினத்தையொட்டி பள்ளி மாணவர்களுக்கான ஓவியப் போட்டி appeared first on Dinakaran.