உலக டெஸ்ட் சாம்பியன்ஷிப் இறுதிப்போட்டி: தென் ஆப்பிரிக்க அணியில் தமிழக பூர்வீக வீரருக்கு இடம்

கேப்டவுன்,

ஐ.சி.சி. உலக டெஸ்ட் சாம்பியன்ஷிப் தொடரின் இறுதிப்போட்டி லண்டன் லார்ட்ஸ் மைதானத்தில் வரும் ஜூன் மாதம் 11-15 வரை நடக்கிறது. இந்தப்போட்டியில் ஆஸ்திரேலியா - தென் ஆப்பிரிக்கா அணிகள் மோத உள்ளன. இந்த போட்டிக்கான இரு அணிகளும் அறிவிக்கப்பட்டு விட்டன.

இதில் தென் ஆப்பிரிக்க அணியில் தமிழகத்தை பூர்விகமாக கொண்ட செனுரன் முத்துசாமிக்கு இடம் அளிக்கப்பட்டுள்ளது.

31 வயதான செனுரன் முத்துசாமியின் குடும்பம் தமிழ்நாட்டின் நாகப்பட்டினத்தை சேர்ந்தது என்பதால், அவர் தமிழகத்தை பூர்வீகமாக கொண்டவர். இருப்பினும், செனுரன் தென் ஆப்பிரிக்காவில் பிறந்து அங்கேயே கிரிக்கெட் கற்ற்க்கொண்டு தென் ஆப்பிரிக்க தேசிய அணியில் இடம் பிடித்துள்ளார்.

டெஸ்ட் சாம்பியன்ஷிப் இறுதிப்போட்டிக்கான தென் ஆப்பிரிக்க அணி விவரம் பின்வருமாறு:-

டெம்பா பவுமா (கேப்டன்), டோனி டி ஜோர்ஜி, எய்டன் மார்க்ரம், வியான் முல்டர், மார்கோ ஜான்சன், ககிசோ ரபாடா, கேசவ் மகராஜ், லுங்கி நிகிடி, கார்பின் போஷ், கைல் வெர்ரைன், டேவிட் பெடிங்ஹாம், டிரிஸ்டன் ஸ்டப்ஸ், ரியான் ரிக்கல்டன், செனுரன் முத்துசாமி, டேன் பேட்டர்சன்.