இங்கிலாந்துக்கு எதிரான டெஸ்ட் தொடர்: ஜிம்பாப்வே முன்னணி வீரர் விலகல்

நாட்டிங்காம்,

ஜிம்பாப்வே கிரிக்கெட் அணி இங்கிலாந்தில் சுற்றுப்பயணம் மேற்கொண்டு ஒரே ஒரு போட்டி கொண்ட (4 நாள் ஆட்டம்) டெஸ்ட் தொடரில் விளையாட உள்ளது. இந்த தொடர் வரும் 22ம் தேதி முதல் 25ம் தேதி வரை நாட்டிங்ஹாமில் நடைபெற உள்ளது.

இந்த தொடருக்கான ஜிம்பாப்வே அணி கடந்த சில தினங்களுக்கு முன் அறிவிக்கப்பட்டது. இந்த அணிக்கு கிரேக் எர்வின் கேப்டனாக நியமிக்கப்பட்டுள்ளார்.

இந்நிலையில் இந்த தொடருக்கான ஜிம்பாப்வே அணியிலிருந்து முன்னணி வேகப்பந்து வீச்சாளரான டிரெவர் குவாண்டு காயம் காரணமாக விலகியுள்ளார். அவருக்கு பதிலாக தனகா சிவாங்கா அணியில் சேர்க்கப்பட்டுள்ளார்.

ஜிம்பாப்வே அணி விவரம்: கிரேக் எர்வின் (கேப்டன்), பிரையன் பென்னட், பென் கர்ரன், தனகா சிவாங்கா, கிளைவ் மடாண்டே, வெஸ்லி மாதவரே, வெல்லிங்டன் மசகட்சா, பிளெஸிங் முசரபானி, ரிச்சர்ட் ங்வாரா, நியூமன் நியாம்ஹுரி, விக்டர் நயவுச்சி, சிக்கந்தர் ராசா, தபட்ச்வா ட்ஸி, நிக்கோலஸ் வெல்ச், சீன் வில்லியம்ஸ்.