ஆட்டோக்காரருக்கு வெட்டு டீக்கடைக்காரர் கைது

சிவகங்கை, நவ. 23: சிவகங்கையில் தகராறு செய்த ஆட்டோ டிரைவரை அரிவாளால் வெட்டிய டீக்கடை உரிமையாளரை போலீசார் கைது செய்தனர். மதுரை மாவட்டம், ஒத்தக்கடையை சேர்ந்தவர் கோகுல்(எ)கோபி(46). இவர் சிவகங்கை நெல்மண்டித் தெருவில் உள்ள சகோதரி வீட்டில் தங்கி ஆட்டோ ஓட்டி வருகிறார். இதே பகுதியில் டீக் கடை நடத்தி வரும் ராமு(52) என்பவரிடம் இலவசமாக டீ, வடை கேட்டு அவ்வப்போது தொந்தரவு செய்து வந்துள்ளார்.

இந்நிலையில் நேற்று முன்தினம் இரவு மீண்டும் டீக்கடை சென்று தகராறு செய்துள்ளார். இதனால் ஆத்திரமடைந்த ராமு அரிவாளால் கோகுல் (எ) கோபியை தலை மற்றும் காதில் வெட்டினார். இதில் பலத்த காயமடைந்த அவரை அங்கிருந்தவர்கள் மீட்டு சிவகங்கை அரசு மருத்துவக் கல்லூரி மருத்துவமனைக்கு அனுப்பி வைத்தனர். மேல் சிகிச்சைக்காக மதுரை அரசு மருத்துவமனைக்கு அனுப்பி வைக்கப்பட்டார். இதுகுறித்து சிவகங்கை நகர் போலீசார் வழக்கு பதிந்து ராமுவை கைது செய்தனர்.

The post ஆட்டோக்காரருக்கு வெட்டு டீக்கடைக்காரர் கைது appeared first on Dinakaran.