ஆக்கி இந்தியா லீக்: கலிங்கா லான்சர்ஸ் அணியை பந்தாடிய பெங்கால் டைகர்ஸ்

ரூர்கேலா,

8 அணிகள் இடையிலான ஆக்கி இந்தியா லீக் போட்டி ஒடிசாவின் ரூர்கேலாவில் நடந்து வருகிறது. இதில் இன்று நடைபெற்ற ஆட்டத்தில் ஷராச்சி பெங்கால் டைகர்ஸ் - வேதாந்தா கலிங்கா லான்சர்ஸ் அணிகள் மோதின.

இதில் தொடக்கம் முதலே ஆதிக்கம் செலுத்திய பெங்கால் டைகர்ஸ் அடுத்தடுத்து கோல்கள் போட்டு அசத்தியது. முடிவில் 5-3 என்ற கோல் கணக்கில் கலிங்கா லான்சராஸ் அணியை பந்தாடிய பெங்கால் டைகர்ஸ் வெற்றி பெற்றது.

பெங்கால் டைகர்ஸ் தரப்பில் ஜுக்ராஜ் சிங் 2 கோல்களும், ருபிந்தர் பால் சிங், அபிஷேக் மற்றும் பிரதீப் தலா ஒரு கோலும் அடித்தனர். கலிங்கா லான்சர்ஸ் தரப்பில் அங்கத் பிர் சிங், பிரிங்க்மேன் மற்றும் அலெக்சாண்டர் ஆகியோர் தலா ஒரு கோல் அடித்தனர்.