அதிரடியாக உயர்ந்த தங்கம் விலை... அதிர்ச்சியில் இல்லத்தரசிகள்

4 hours ago 2

சென்னை,

தங்கம் விலை கடந்த மாதம் (ஏப்ரல்) 22-ந்தேதி புதிய உச்சத்தை தொட்டு ஒரு சவரன் ரூ.74,320-க்கு விற்பனை செய்யப்பட்டது. மறுநாளே, 'அந்தர் பல்டி'யாக எவ்வளவு உயர்ந்ததோ அதே அளவுக்கு குறைந்து, ஒரு சவரன் ரூ.72,120-க்கு விற்பனை செய்யப்பட்டது.

அதன் பின்னர் கடந்த 28-ந்தேதி, தங்கம் விலை மீண்டும் ரூ.72 ஆயிரத்துக்கும் கீழ் குறைந்து, ஒரு சவரன் ரூ.71,520-க்கு விற்கப்பட்டது. இதைத் தொடர்ந்து ஏற்ற இறக்கத்துடன் காணப்பட்ட தங்கம் விலை, கடந்த 2-ந்தேதி சவரனுக்கு ரூ.160 குறைந்து ரூ.70,040-க்கு விற்பனை செய்யப்பட்டது.

நேற்று முன்தினம் தங்கம் விலையில் மாற்றமின்றி விற்பனையானது. இந்த நிலையில் நேற்று தங்கம் விலை சற்று அதிகரித்தது. அதன்படி சென்னையில் 22 கேரட் ஆபரணத் தங்கத்தின் விலை சவரனுக்கு ரூ.160 உயர்ந்து ஒரு சவரன் ரூ.70,200-க்கு விற்பனை செய்யப்பட்டது. கிராமுக்கு ரூ.20 உயர்ந்து ஒரு கிராம் ரூ.8,775-க்கு விற்பனை செய்யப்பட்டது.

இந்நிலையில் இன்று தங்கம் விலை அதிரடியாக உயர்ந்துள்ளது. அதன்படி சென்னையில் 22 கேரட் ஆபரணத் தங்கத்தின் விலை இன்று சவரனுக்கு ரூ.2,000 உயர்ந்து ஒரு சவரன் ரூ.72,200-க்கு விற்பனை செய்யப்படுகிறது. தங்கம் விலை கிராமுக்கு ரூ.250 உயர்ந்து ஒரு கிராம் ரூ.9,025-க்கு விற்பனை செய்யப்படுகிறது.

வெள்ளி விலை கிராமுக்கு ரூ.3 உயர்ந்து ரூ.111-க்கும், ஒரு கிலோ ரூ.1 லட்சத்து 11 ஆயிரத்துக்கும் விற்பனை செய்யப்படுகிறது.

தங்கம் விலை இன்று அதிரடியாக உயர்ந்துள்ளதால், இல்லத்தரசிகள் மற்றும் நகை பிரியர்கள் அதிர்ச்சியடைந்துள்ளனர்.

கடைசி ஆறு நாள் தங்கம் விலை நிலவரம்:

06-05-2025- ஒரு சவரன் (22 கேரட்) ரூ.72,200

05-05-2025- ஒரு சவரன் (22 கேரட்) ரூ.70,200

04-05-2025- ஒரு சவரன் (22 கேரட்) ரூ.70,040

03-05-2025- ஒரு சவரன் (22 கேரட்) ரூ.70,040

02-05-2025- ஒரு சவரன் (22 கேரட்) ரூ.70,040

01-05-2025- ஒரு சவரன் (22 கேரட்) ரூ.70,200

கடைசி ஆறு நாள் வெள்ளி விலை நிலவரம்:

06-05-2025- ஒரு கிராம் ரூ.111

05-05-2025- ஒரு கிராம் ரூ.108