அடையாற்றின் கரையோரம் வசித்த 153 குடும்பங்கள் பெரும்பாக்கத்தில் மறுகுடியமர்வு

சென்னை: சென்னை, சைதாப்பேட்டை, சத்யாநகர் பகுதியில் அடையாற்றின் கரையோரம் வசித்த 153 குடும்பங்கள் பெரும்பாக்கத்தில் மறுகுடியமர்வு செய்யப்பட்டனர்.

சென்னையில் கடந்த 2015-ம் ஆண்டு ஏற்பட்ட பெருவெள்ளத்தில் அடையாற்றின் கரையோரம் வசித்த குடும்பங்கள் கடுமையாக பாதிக்கப்பட்டன. அதனைத் தொடர்ந்து சென்னை ஆறுகள் சீரமைப்பு அறக்கட்டளை சார்பில் நடைபெற்ற ஆய்வில், மொத்தம் 29 இடங்களில் 9,539 குடும்பங்கள் வசித்து வந்தது தெரியவந்தது. அதனைத் தொடர்ந்து, கடந்த 2016-ம் ஆண்டு முதல் அந்த குடும்பங்கள் படிப்படியாக நகர்ப்புற வாழ்விட மேம்பாட்டு வாரிய குடியிருப்புகளில் மறுகுடியமர்வு செய்யப்பட்டு வருகின்றனர்.