'2026 தேர்தலுக்குப் பிறகு பாஜகவை ஆதரிக்க திமுக தயாராகிவிட்டது' - கே.என்.நேருவுக்கு ஜெயக்குமார் பதிலடி

சென்னை: “2026-க்குப் பிறகு திமுகவின் முழு ஆதரவை பாஜகவுக்கு அளித்து மத்திய அமைச்சர் பொறுப்புகளை பெற திமுக தயாராகிவிட்டது.” என்று அதிமுக முன்னாள் அமைச்சர் ஜெயக்குமார் கூறியுள்ளார்.

அதிமுக பொதுச் செயலாளர் எடப்பாடி பழனிசாமிக்கு தெனாலியை விட பயப்பட்டியல் நீள்கிறது, என்று அமைச்சர் கே.என்.நேரு கூறியிருப்பது தொடர்பான கேள்விக்கு, அதிமுக முன்னாள் அமைச்சர் ஜெயக்குமார் தனியார் தொலைக்காட்சிக்கு அளித்த பதிலில், “திமுகவின் அறிக்கையில் உள்ள அனைத்துக்கும் பொருந்தக்கூடிய ஒரு கட்சி என்றால் அது திமுகதான். கடந்தகால அரசியல் வரலாற்றைப் பார்க்க வேண்டும்.