ஷேர் மார்கெட்டில் ₹50 லட்சம் இழந்தவர் மாயம்

சேலம், ஜன.11: சேலம் சீலநாயக்கன்பட்டி கே.எம்.நகரை சேர்ந்தவர் ராஜேஷ்(47). ஷேர் மார்க்கெட்டில் ஆர்வம் கொண்ட இவர், ₹50 லட்சம் வரை அதில் இழந்துள்ளார். அவருக்கு பணம் கொடுத்தவர்கள் திருப்பி தருமாறு நெருக்குதல் கொடுத்தனர். இந்நிலையில் கடந்த வாரம் நாமக்கல்லில் உறவினர் இறந்துவிட்டதாகவும் அங்கு சென்று வருவதாகவும் மனைவி கீதாவிடம் கூறிவிட்டு சென்றுள்ளார். அதன்பிறகு ராஜேஷ் வீடு திரும்பவில்லை. இதனால் அதிர்ச்சியடைந்த மனைவி, உறவினர்கள் வீடுகளில் எல்லாம் சென்று தேடியும் கண்டுபிடிக்க முடியவில்லை. இதுகுறித்து அன்னதானப்பட்டி போலீசில் புகார் செய்தார். இது குறித்து வழக்கு பதிவு செய்த இன்ஸ்பெக்டர் கண்ணன் விசாரணை நடத்தி வருகிறார்.

The post ஷேர் மார்கெட்டில் ₹50 லட்சம் இழந்தவர் மாயம் appeared first on Dinakaran.