வேகத்தடைக்கு வர்ணம் பூச வலியுறுத்தல்

ராயக்கோட்டை, ஜன.30: ஓசூர் பகுதியிலிருந்து தர்மபுரிக்கு தினந்தோறும் ஆயிரக்கணக்கான வாகனங்கள் சென்று வருகின்றன. அதிவேகமாக வரும் வாகனங்களை கட்டுப்படுத்த ராயக்கோட்டை அரசு மருத்துவமனை முன்பு வேகத்தடை அமைக்கப்பட்டது. அந்த வேகத்தடைக்கு அடித்திருந்த வெள்ளை பெயிண்ட் முழுவதுமாக அழிந்துப்போனது. இதனால், இரவில் வருபவர்கள் வேகத்தடை இருப்பது தெரியாமல் வேகத்தடை மீது டூவீலர்களை விட்டு கீழே விழுந்து காயமடைகின்றனர். எனவே அரசு மருத்துவமனை, பூ மார்கெட்கள், காய்கறி கடைகள், ரயில் நிலையம் போன்ற இடங்களில் இள்ள வேகத்தடைகளுக்கு வெள்ளை பெயிண்ட் அடிக்க வேண்டுமென வாகன ஓட்டிகளும், பொது மக்களும் கோரிக்கை விடுத்துள்ளனர்.

The post வேகத்தடைக்கு வர்ணம் பூச வலியுறுத்தல் appeared first on Dinakaran.