விம்பிள்டன் டென்னிஸ்; ஆண்கள் இரட்டையர் பிரிவில் யுகி பாம்ப்ரி ஜோடி தோல்வி

லண்டன்,

கிராண்ட்ஸ்லாம் தொடர்களில் ஒன்றான விம்பிள்டன் டென்னிஸ் தொடர் லண்டனில் நடந்து வருகிறது. இதில் உலகின் முன்னணி வீரர், வீராங்கனைகள் விளையாடி வருகின்றனர்.

இதில் ஆண்கள் இரட்டையர் பிரிவில் நேற்று நடைபெற்ற ரவுண்ட் ஆப் 16 சுற்று ஆட்டம் ஒன்றில் இந்தியாவின் யுகி பாம்ப்ரி - அமெரிக்காவின் ராபர்ட் காலோவே ஜோடி, மார்செல் கிரானோலர்ஸ் (ஸ்பெயின்) - ஹோராசியோ ஜெபலோஸ் (அர்ஜெண்டினா) ஜோடியை எதிர்கொண்டது.

இந்த போட்டியின் முதல் செட்டை 4-6 என்ற புள்ளிக்கணக்கில் இழந்த யுகி பாம்ப்ரி ஜோடி, ஆட்டத்தின் 2வது செட்டை 6-3 என்ற புள்ளிக்கணக்கில் கைப்பற்றியது. இதையடுத்து வெற்றியாளரை தீர்மானிக்கும் 3வது செட்டில் அனல் பறந்தது.

இதில் அபாரமாக செயல்பட்ட மார்செல் கிரானோலர்ஸ் (ஸ்பெயின்) - ஹோராசியோ ஜெபலோஸ் (அர்ஜெண்டினா) ஜோடி 7-6 (10-4) என்ற புள்ளிக்கணக்கில் யுகி பாம்ப்ரி ஜோடியை வீழ்த்தி காலிறுதிக்கு முன்னேறியது. தோல்வி கண்ட யுகின் பாம்ப்ரி ஜோடி தொடரில் இருந்து வெளியேறியது.