விஜய்யின் 'ஜன நாயகன்' பட கதை இதுவா? வெளியான தகவல்

சென்னை,

தமிழ் சினிமாவின் முன்னணி நடிகரான விஜய்யின் 69-வது படத்தை பிரபல இயக்குனர் எச்.வினோத் இயக்குகிறார். இந்த படத்திற்கு 'ஜன நாயகன்' என்று பெயரிடப்பட்டுள்ளது. இப்படத்தில் பிரகாஷ் ராஜ், பிரியாமணி, கவுதம் வாசுதேவ் மேனன், பூஜா ஹெக்டே, மமிதா பைஜு, நரேன் ஆகியோர் நடிக்கின்றனர்.

கே.வி.என் நிறுவனம் தயாரிக்கும் இப்படத்திற்கு அனிருத் இசையமைக்கிறார். இப்படம் அடுத்த ஆண்டு பொங்கல் பண்டிகையை முன்னிட்டு ஜனவரி 9-ந் தேதி வெளியாக உள்ளது. இந்த படம் விஜய்யின் கடைசி படம் என்பதால் படத்தின் மீதான எதிர்பார்ப்பு அதிகமாக உள்ளது.

இந்த நிலையில், இப்படத்தின் கதை குறித்த தகவல் வெளியாகி உள்ளது. அதாவது, அரசியல் கதையில் கமர்சியல் படமாக இருக்கும் என படத்தின் போஸ்டரை பார்த்தலே தெரிகிறது. இப்படத்தில் வாக்குகள் என்பது எவ்வளவு முக்கியம் என்றும் தேர்தலில் வாக்களிப்பதன் முக்கியத்துவம் பற்றியும் பேசவுள்ளதாகவும் தகவல் வெளியாகியுள்ளது. இந்த படத்தை முடித்த கையோடு விஜய் அரசியலில் தீவிரமாக இறங்க உள்ளதால், இப்படத்தில் புரட்சிகரமான வசங்கள் இடம்பெற்றுள்ளதாகவும் கூறப்படுகிறது.