வழிக்கு வந்தது அதிமுகவா, பாஜகவா? - உள்ளுக்குள் பேசியதும், ஊருக்குச் சொன்னதும்!

மலருமா மலராதா என ஒத்தையா ரெட்டையா போட்டுக் கொண்டிருந்த அதிமுக - பாஜக கூட்டணி மலர்ந்தே விட்டது. அமித் ஷாவின் அழைப்பை ஏற்று சிரித்த முகத்துடன் வந்து செய்தியாளர்களுக்கு போஸ் கொடுத்துவிட்டுப் போயிருக்கிறார் அதிமுக பொதுச்செயலாளர் பழனிசாமி. ஆ​னால், செய்​தி​யாளர்​கள் சந்​திப்​பில் அமித் ஷா சொன்​னதும் இந்த சந்​திப்​பின் பின்​னணி​யில் நடந்​திருப்​பதும் வெவ்​வேறானது என்று விவரம் அறிந்த வட்​டாரத்​தினர் சொல்​கி​றார்​கள். இது ஒன்​றும் தெரி​யாத ரகசி​ய​மும் இல்லை என்​றும் அவர்​களே சொல்கிறார்​கள்.

முன்​ன​தாக டெல்​லி​யில் அமித் ஷாவை சந்​தித்த போதே, அண்​ணா​மலையை மாற்ற வேண்​டும், தமி​ழ​கத்​தில் அதி​முக தலை​மை​யில் தான் கூட்​டணி இருக்க வேண்​டும், கூட்​டணி ஆட்சி என்​ப​தைப் பற்றி எல்​லாம் தேர்​தல் முடிவு​களுக்​குப் பிறகு பேசிக்​கொள்​ளலாம் என மூன்று முக்​கிய நிபந்​தனை​களை விதித்​திருந்​தார் இபிஎஸ்.