வக்பு சட்டத் திருத்த மசோதாவுக்கு எதிராக வாக்களிக்க விசிகவிடம் தவ்ஹீத் ஜமாத் கோரிக்கை

சென்னை: வக்பு சட்டத் திருத்த மசோதா மீது நாடாளுமன்றத்தில் வாக்கெடுப்பு நடத்தப்படும் சூழல் வந்தால் விசிக எம்பி-க்கள் அதை எதிர்த்து வாக்களிக்க வேண்டும் என அக்கட்சித் தலைவர் திருமாவளவனிடம் தவ்ஹீத் ஜமாத் நிர்வாகிகள் கோரிக்கை விடுத்தனர்.

சென்னை, அசோக் நகரில் உள்ள கட்சித் தலைமையகத்தில் விசிக தலைவர் திருமாவளவனை, தமிழ்நாடு தவ்ஹீத் ஜமாத் பொதுச்செயலாளர் ஏ.முஜீபுர் ரஹ்மான் மற்றும் பொறுப்பாளர்கள் இன்று சந்தித்தனர். அப்போது அவர்கள் வக்பு சட்டத் திருத்த மசோதா தொடர்பான கோரிக்கை மனுவையும் அளித்தனர்.