மாநில நீச்சலில் மதுரை சாதனை

மதுரை, ஜன. 30: தமிழக பள்ளிக்கல்விதுறை சார்பில், மாநில அளவில் குடியரசு தின நீச்சல் போட்டிகள் நெல்லையில் உள்ள தமிழ்நாடு விளையாட்டு மேம்பாட்டு ஆணைய நீச்சல் குளத்தில் நடைபெற்றது. இதில் பங்கேற்ற மதுரை மாவட்ட பள்ளிகளை சேர்ந்த மாணவ, மாணவிகள் 7 தங்கம், ஒரு வெள்ளி மற்றும் 15 வெண்கல பதக்கங்கள் வென்று சாதனை படைத்தனர். 14 வயதிற்கு உட்பட்டோருக்கான பிரிவில் மதுரை சிஇஓஏ பள்ளி மாணவர்கள் ஹர்ஷன், அரவிந்த்பிரசாத், விஸ்வாசன், ஆகாஷ், சாதனா, ஹாஷினி, கனிஷ்கா, ஹிரானிகா ஆகியோர் பதக்கங்களை வென்றனர்.

17 வயதிற்குட்பட்ட பிரிவில் பவித்ரன், தான்யா, கார்த்திகா, சுபதக்க்ஷனா, பூஜானி பதக்கம் வென்றனர். 19 வயதிற்குட்பட்ட பிரிவில் தமிழினி, ராஜ, மலையரசி, அழகுநாச்சி பதக்கம் வென்றனர். வெற்றி பெற்ற மாணவர்களை தமிழ்நாடு விளையாட்டு மேம்பாட்டு ஆணைய மண்டல முதுநிலை மேலாளர் வேல்முருகன், மாவட்ட விளையாட்டு அலுவலர் ராஜா, நீச்சல் சங்க தலைவர் ஸ்டாலின் ஆரோக்கியராஜ், உடற்கல்வி ஆசிரியர் ஷீபா உள்ளிட்டோர் பாராட்டினர்.

The post மாநில நீச்சலில் மதுரை சாதனை appeared first on Dinakaran.