மாநில கட்சியாக அங்கீகாரம் பெற்றது விசிக - பானை சின்னம் ஒதுக்கீடு

சென்னை: விடுதலை சிறுத்தைகள் கட்சியை மாநிலக் கட்சியாக அங்கீகரித்துள்ள இந்திய தேர்தல் ஆணையம், பானை சின்னத்தை ஒதுக்கீடு செய்துள்ளது.

1999-ல் நடைபெற்ற மக்களவைத் தேர்தலில் முதன்முதலாக தேர்தல் அரசியலில் பங்கெடுத்தது விசிக. 2001 சட்டப்பேரவைத் தேர்தலில் உதயசூரியன் சின்னத்தில், மங்களூர் தொகுதியில் போட்டியிட்டு சட்டப்பேரவைக்குள் நுழைந்தார் திருமாவளவன். 2019 மக்களவைத் தேர்தலில் உதயசூரியன் மற்றும் பானை சின்னத்தில் போட்டியிட்டதால், இரு தொகுதிகளையும் வென்ற நிலையிலும், விசிகவுக்கு மாநிலக் கட்சி அங்கீகாரம் கிடைக்கவில்லை.