மாடு முட்டி விவசாயி பலி

தர்மபுரி, நவ.19: தர்மபுரி மாவட்டம், பொம்மிடி சின்னங்காடு பகுதியை சேர்ந்தவர் மணி (67), விவசாயி. இவர் கடந்த 16ம் தேதி மாலை, மேய்ச்சலுக்கு அழைத்து சென்ற மாட்டை மீண்டும் வீட்டின் அருகேயுள்ள கொட்டகையில் கட்டுவதற்காக அழைத்து சென்றார். அப்போது, அவருக்கு பின்னால் வந்த மாடு, எதிர்பாராத விதமாக மணியை முட்டியது. இதில் கீழே விழுந்து படுகாயமடைந்த அவரை, அங்கிருந்தவர்கள் மீட்டு தர்மபுரி அரசு மருத்துவமனையில் சிகிச்சைக்காக சேர்த்தனர். அங்கு தீவிர சிகிச்சை அளித்தும் பலனின்றி, அவர் நேற்று உயிரிழந்தார். இதுகுறித்து பொம்மிடி போலீசார் வழக்குப்பதிவு செய்து, விசாரணை நடத்தி வருகின்றனர்.

The post மாடு முட்டி விவசாயி பலி appeared first on Dinakaran.