மண்டைக்காடு அருகே பைக் மோதி பெண் படுகாயம்

குளச்சல்,ஜன.23: மண்டைக்காடு அருகே அழகன்பாறை காளிவிளையை சேர்ந்தவர் குமார் ராஜ்(50). வெளிநாட்டில் மரத்தச்சு தொழிலாளியாக வேலை பார்த்து வருகிறார். இவரது மனைவி கில்டா(45). சம்பவத்தன்று கில்டா மருத்துவமனைக்கு செல்வதற்காக ஸ்கூட்டியில் குன்னங்காடு – செவிடன்விளை சாலையில் செல்லும்போது எதிரே காளிவிளையை சேர்ந்த ஜெனோ(33) ஓட்டி வந்த பைக் கில்டா மீது மோதியது. இதில் படுகாயமடைந்த கில்டா உடையார்விளையில் ஒரு தனியார் மருத்துவமனையில் சேர்க்கப்பட்டு சிகிச்சை பெற்று வருகிறார். இது குறித்து மண்டைக்காடு போலீசார் ஜெனோ மீது வழக்குப்பதிவு செய்து விசாரணை நடத்தி வருகிறார்.

The post மண்டைக்காடு அருகே பைக் மோதி பெண் படுகாயம் appeared first on Dinakaran.