மணல் கடத்த முயன்றவர் கைது

நெல்லை, டிச. 11: பணகுடி போலீஸ் எஸ்ஐ வேலம்மாள் மற்றும் போலீசார் ரோந்து சென்றனர். அப்போது சிவகாமிபுரம் உப்போடை அருகே சிலர் மினி லாரியில் மணல் அள்ளிக் கொண்டிருந்தனர். போலீசார் அங்கு சென்று அவர்களை பிடிக்க முயற்சித்தனர். ஆனால் அவர்கள் தப்பியோடிவிட்டனர். இதுகுறித்து பணகுடி போலீசார் வழக்குப்பதிந்து தப்பியோடிய கீழகுளம் தெற்கு தெருவைச் சேர்ந்த சுதாகர் (22) என்பவரை கைது செய்து, மினிலாரி, 2 யூனிட் ஓடை மணல் ஆகியவற்றை பறிமுதல் செய்தனர். இவ்வழக்கில் மேலும் சிலரை போலீசார் தேடி வருகின்றனர்.

The post மணல் கடத்த முயன்றவர் கைது appeared first on Dinakaran.