6 days ago
3
ராஜ்கிர்,
8-வது மகளிர் ஆசிய சாம்பியன்ஸ் கோப்பை ஆக்கி போட்டி பீகாரில் உள்ள ராஜ்கிர் நகரில் நடைபெற்று வருகிறது. இந்த தொடரில் நடப்பு சாம்பியன் இந்தியா, ஜப்பான், தென் கொரியா சீனா, மலேசியா மற்றும் தாய்லாந்து ஆகிய 6 அணிகள் பங்கேற்கின்றன. ஒவ்வொரு அணியும் மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் முதல் 4 இடங்களை பிடிக்கும் அணிகள் அரையிறுதிக்கு தகுதி பெறும்.
இதில் இந்திய அணி தான் விளையாடிய முதல் 4 ஆட்டங்களில் வெற்றி பெற்று அரையிறுதிக்கு முன்னேறியது. இதனையடுத்து இந்திய அணி தனது கடைசி லீக் ஆட்டத்தில் ஜப்பானுடன் இன்று மோதியது. இதிலும் வெற்றி வேட்கையை தொடர்ந்த இந்தியா 3-0 என்ற கோல் கணக்கில் ஜப்பானை வீழ்த்தி தொடர்ந்து 5-வது வெற்றியை பதிவு செய்தது. இந்தியா தரப்பில் தீபிகா 2 கோல்களும், நவ்னீத் கவுர் ஒரு கோலும் அடித்து வெற்றிக்கு வித்திட்டனர்.
இந்திய அணி லீக் சுற்றில் தோல்வியே சந்திக்கவில்லை என்பது குறிப்பிடத்தக்கது.
English (US) ·